पीडीडीयू मंडल में रेल सेवा मजबूत: छह महीना में बदलल गइल 18 किमी कॉन्टैक्ट वायर
पंडित दीनदयाल उपाध्याय मंडल में ट्रेनन के आवाजाही आ बिजली के मांग के देखत ट्रैक्शन पावर व्यवस्था के अउरी मजबूत कइल गइल बा। पिछला छह महीना के भीतर मंडल में 18 किलोमीटर कॉन्टैक्ट वायर बदले के संगे-संगे पेड़न के छंटाई के काम भी कइल गइल बा ताकि परिचालन सुचारू रहे।
पंडित दीनदयाल उपाध्याय मंडल में ट्रेनन के लगातार बढ़त परिचालन आ बदलत विद्युत मांग के देखत ट्रैक्शन पावर व्यवस्था के मजबूत बनावे खातिर लगातार काम कइल जा रहल बा। इहाँ रेलवे प्रशासन द्वारा सुरक्षा आ सुविधा के ध्यान में राखत कईगो जरूरी कदम उठाइल गइल बा।
मंडल के अधिकारियन के मोताबिक पछला छह महीना के भीतर रेलवे ट्रैक पर बिजली आपूर्ति के बेहतर राखे खातिर कुल 18 किलोमीटर लंबा कॉन्टैक्ट वायर बदल दिहल गइल बा। एह बदलाव से ट्रेनन के संचालन में बिजली से जुड़ल तकनीकी दिक्कत आ रुकावट से राहत मिली।
वायर बदले के संगे-संगे रेलवे लाइन के आसपास फैलल पेड़न के टहनियन के छंटाई भी बड़े पैमाना पर कइल गइल बा। कईगो अइसन जगह रहै जहाँ पेड़न के डाल हाई-वोल्टेज तारन के छुवत रहल, जवना से शॉर्ट सर्किट के खतरा बनल रहत रहे।
पेड़न के छंटाई होखला से आंधी-पानी के दौरान तार पर पेड़ गिरे के संभावना बहुत हद तक कम हो गइल बा। एहिसे बिजली आपूर्ति सुचारू रूप से चलत रही आ ट्रेनन के पहिया बिना कौनो बाधा के रफ्तार भरत रही।
रेलवे विभाग के इ प्रयास यात्री सुरक्षा आ समयबद्धता के दिशा में एगो बड़ा कदम मानल जा रहल बा। मंडल प्रशासन के कहनाम बा कि आगे भी इ प्रक्रिया लगातार जारी रही ताकि रेलयात्रीन के कवनो परेशानी के सामना न करे के पड़े।